厦门食记！！！

米依郁郁/强

<br /><br />如图所示，间店名就叫做“佳味再添”，唔算难搵，但里面D服务员好明显比较少接待外地客，普通话都讲到撩晒脷，听到我晕晕哋。但里面D嘢就真喺值回票价咯，好多当地的居民都喺度食嘢。
厦门名小吃之“虾面”，面好正，汤好正，虾都好鲜，5蚊/碗
“沙茶面”，口味重D，甜鲜辣皆有，香料喺特点。5蚊/碗
烧肉粽，特色小吃，配上呢边特有甜椒酱，大赞！D馅超正。6蚊/件
炸五香，其实是面皮包肉末瓜蔬油炸，香而不腻。3蚊/份
土笋冻，有D似钵仔糕，不过里面是海味“沙虫”，加上配料，味道一流，基本每日我都要整返碗先满足。周街都有得卖，味道差不多，但有D店冇配料，一定要有配料先好味D。5-6蚊/份
鲨鱼丸，其实厦门有3-4个老店做鲨鱼丸都好正，我只去过呢档，细碗嘅喺普通鲨鱼肉打嘅丸，大碗嘅喺大白鲨鱼肉打嘅，贵一倍，不过物有所值，绝对强烈推荐贵价货，汤超正，完全饮唔出味精味。20蚊/碗。
鸭肉粉，好多肉，好满足，粉好正，路边小摊，10蚊
“黄则和”，中华路上招呼外地客嘅档口，无论几时去都人山人海，招牌喺花生汤，非常非常甜，如果加个生土鸡蛋落去就5蚊，唔加3蚊。个人唔喺好中意甜食，不过就性价比嚟讲，值得一试。
“芋包”，芋头丝煮软后卷埋一碌，口感一流，2蚊/件。赞！
“鱼翻天”烤鱼，同梧州D唔同，烤鱼加好多汤水打底，加埋海味做配菜，88蚊一份够3-4人食，抵到烂，我两公婆食就饱到上心口。食完之后觉得梧州D烤鱼好垃圾～哈哈，个人意见，唔好丢鸡蛋。
“沃头”蚝干粥，18蚊一煲够2人份，特点“瑶柱蚝豉特别多”，多到我怀疑D米贵过D海味。好正好正，如果人家开档喺旺五旁边，旺五实执笠都得啦～
其实厦门美食真喺好多，但因为某人唔陪我食同埋其他种种原因，有D嘢冇留到相片，例如麻糍、扁食等等。以后大家有机会去到厦门一定要仔细品赏。


4545 ;;;;;

恶人DJ

<br /><br />QQ空间不能引用

4545 ×××××

米依郁郁/强

<br /><br />算引用吗？我在空间写好再复制过来，有什么影响？

4545 ─────

金钱的奴隶

米依郁郁/强 发表于 2011-11-18 23:36
算引用吗？我在空间写好再复制过来，有什么影响？

建议把空间的照片‘另存为....’到电脑，然后再上传帖子就可以了。